Stjórn félagsins hittist vanalega annan laugardag í mánuði og fer yfir starfið sem hvílir á stjórninni.  Á stjórnarfundi 10. apríl hittist stjórnin á heimili Birnu Hilmarsdóttur og fór yfir verkefnin framundan.  Farið var yfir skipulag varðandi vorferð, sjómannadagskaffið og fleiri atburði sem eru fastir liðir í verkefnum félagsins.  Einnig var farið yfir gang útsýnisskífunnar, en áætlað er að hún verði afhjúpuð heima á Norðfirði föstudaginn fyrir verslunarmannahelgi. Því miður er myndin sem fylgir hreyfð, en það skrifast á hláturskast ljósmyndara, en alltaf er mikil gleði ríkjandi og hláturinn aldrei langt undan þegar stjórnin hittist.