Fimmtíu og átta manna hópur úr Félagi eldri borgara á Norðfirði leggur land undir hjól og fer norður í Fjallabyggð í fjögurra daga ferð dagana 20.-23. september. Gist verður þrjár nætur á Ólafsfirði og farnar skoðanaferðir þaðan meðal annars til Siglufjarðar þar sem boðið verður upp á skoðunarferð í fylgd heimamanna.

Á Hótel Brimnesi á Ólafsfirði verður slegið upp hamónikkuballi, gripið í spil og ýmislegt annað gert til afþreyingar. Til stendur að fara að Hólum og ferðinni lýkur væntanlega í skoðunarferð í Hrísey. Ferðanefndin undir forystu Kristins V. Jóhannssonar hefur haft veg og vanda af ferð þessari og eiga þau þakkir skildar.

Blómlegt starf Félags eldri borgara á Norðfirði hófst með opnu húsi miðvikudaginn 7. september og mættu á sjötta tug félaga þennan fyrsta dag,