Gestkvæmt var hjá Norðfirðingunum sem voru á Sparidögunum í Hveragerði. Það mátti því segja að lítið “fermingarmót” hafi verið haldið þegar þau hittust fermingarsystkinin; Olga Jónsdóttir, Ríkey Guðmundsdóttir, Bergþóra Ásgeirsdóttir, Hilmar Símonarson, Margrét Sigurjónsdóttir og Jón Lundberg.
Þessi fermdust snjóavorið mikla 1951. Nánar tiltekið 22. maí. Þá var séra Guðmundur Helgason prestur á Norðfirði og var hann jafnframt enskukennari þeirra. En svo bar við að séra Guðmunur fór í austurveg þetta vor, nánar tiltekið til Rússlands og varð því fermingarundirbúningurinn minni en ella. Enskukennslan var sett í hendurnar á frú Önnu Einarsson, konu Birgis Einarssonar apótekara.