Við minnum á sólrarkaffið og aðalfund félagsins á Sunnudag kl. 14 í safnaðarheimili Fella- og Hólakirkju. Ekki myndi saka ef einhverjir sem gaman hafa af bakstri komi með góðgæti með til að gera þetta enn veglegra.

 Læt hér líka fylgja með pistil sem við fengum sendan frá fréttaritara okkar fyrir austan:

Við segjum í
 
Það er algengt að fólk segi á Neskaupstað en það er ekki rétt. Þetta hefur vafist fyrir mörgum ekki síst fréttamönnum sem segja ýmist í eða á og hafa afskaplega skrítna formúlu fyrir því. Fyrir margt löngu lærðist mér það að við förum í kaupstað og þess vegna tölum við um í Neskaupstað. Við förum ekki á Reykjavík, það væri svo helvíti sárt, en við förum til Reykjavíkur/Neskaupstaðar eða erum í Neskaupstað/Reykjavík.
Þessi málvilla er býsna algeng og mér finnst hún algengari hjá yngra fólkinu sem og brott fluttum. Höldum okkur við það að við förum í kaupstað eða dal, hvort sem það er Neskaupstaður eða Búðardalur!