Þá er jólabaksturinn hafinn hjá okkur og auðvitað var byrjað á piparkökunum og þær svo málaðar og skreyttar að bakstri loknum. Sjálfur borða ég ekki piparkökur en er öllu hrifnari af flóknari bakstri svo sem þriggja laga rjómatertum. Þegar ég var lítill ormur á Sjónarhóli þá var jólabaksturinn í mjög hefðbundnum skorðum og mamma bakaði alltaf sömu tegundirnar. Vanilluhringir og sprúttur voru vinsælastar og ég man að Kiddi frændi Magnason var mjög stórtækur í sprúttuátinu. Veit reyndar ekki hvort einhver bakar sprúttur lengur enda alveg eins gott að borða bara sykurinn beint úr pokanum með skeið.